MIKABAT ngadto sa P1.088 milyones nga kantidad sa ginadiling drugas ang nakuha sulod sa Cebu City Jail male dormitory karong adlawa, Mayo 6.
Pasado alas 4:00 kaganinang kaadlawon, nipahigayon og hiniusang greyhound operation ang mga sakop sa Philippine Drug Enforcement Agency (PDEA-7) ug Bureau of Jail Management and Penology (BJMP-7) sulod sa maong pasilidad.
Nakuha sa mga awtoridad ang 36 ka mga pakete sa gidudahang shabu ang gikan sa mga selda.
Nakasakmit usab sa mga operatiba ang ubang mga kontrabando gikan sa mga piniriso sama sa .45 caliber pistol, mga bala, lain-laing klase sa hinagiban, ug mga drug paraphernalia.
0 Comments